ວິທະຍາໄລ ເຕັກນິກ ວິຊາຊີບ ການລົດໄຟ LRTVC
ຂໍ້ມູນກ່ຽວກັບ ວິທະຍາໄລ ເຕັກນິກ ວິຊາຊີບ ການລົດໄຟ
ວິທະຍາໄລເຕັກນິກ-ວິຊາຊີບ ການລົດໄຟລາວ ແມ່ນຂື້ນກັບການຄຸ້ມຄອງຂອງກົມອາຊີວະສຶກສາ ກະຊວງສຶກສາທິການ ແລະ ກິລາ ໂດຍການຊ່ວຍເຫຼືອລ້າ ຈາກລັດຖະບານຈີນ. ເນື້ອທັງໝົດຂອງວິທະຍາໄລ ມີ 14.5 ເຮັກຕາ, ເນື້ອທີ່ກໍ່ສ້າງ ທັງໝົດປະມານ 33.000 ຕາແມັດ. ການຈັດສັນເຂດວິທະຍາໄລປະກອບ ມີ: ເຂດຫ້ອງການບໍລິຫານ, ເຂດການຮຽນ-ການສອນ, ເຂດພາກປະຕິບັດ, ເຂດຫໍພັກ, ເຂດອອກກໍາລັງກາຍຫຼິ້ນກິລາ ແລະ ເຂດຊົມທັດສະນີຍະພາບ. ດ້ານຕາເວັນຕົກຂອງວິທະຍາໄລແມ່ນເຂດຫ້ອງການບໍລິຫານ ແລະ ເຂດການຮຽນ-ການສອນ; ດ້ານຕາເວັນອອກແມ່ນເຂດຫໍພັກນັກສຶກສາ ແລະ ຫໍພັກຄູ-ອາຈານ ປະກອບເປັນເຂດທີ່ຢູ່ອາໄສ; ດ້ານເໜືອແມ່ນເຂດອາຄານພາກປະຕິບັດ, ຫ້ອງຮຽນພາກປະຕິບັດ ແລະ ເດີ່ນພາກປະຕິບັດ ເພື່ອໃຊ້ເປັນເຂດການຮຽນ-ການສອນພາກປະຕິບັດຕົວຈິງ ແລະ ດ້ານໃຕ້ແມ່ນເຂດອອກກໍາລັງກາຍ. ສິ່ງປຸກສ້າງທີ່ສໍາຄັນຂອງວິທະຍາໄລປະກອບມີ ອາຄານອະເນກປະສົງ, ອາຄານບໍລິຫານ ແລະ ການຮຽນ-ການສອນ, ອາຄານພາກປະຕິບັດ, ຫໍພັກນັກວິຊາການ-ຄູອາຈານ ແລະ ຫໍພັກນັກສຶກສາ. ວິທະຍາໄລມີປະຕູທາງ ເຂົ້າ-ອອກ 2 ທາງ, ມີທາງວົງແຫວນຮອບໃນ ແລະ ທາງວົງແຫວນຮອບນອກ ເຊິ່ງ ທາງວົງແຫວນຮອບນອກແມ່ນໃຊ້ເປັນທາງສໍາລັບຍານພາຫະນະ ແລະ ທາງວົງແຫວນຮອບໃນແມ່ນທາງໃຊ້ສໍາລັບຄົນຍ່າງ. ...ເອກະສານ
ອາຄານບໍລິຫານ ແລະ ການຮຽນ-ການສອນ
ອາຄານບໍລິຫານ ແລະ ການຮຽນ-ການສອນ ມີເນື້ອທີ່ກໍ່ສ້າງ 7.427,64 ຕາແມັດ, ເຊິ່ງພາກສ່ວນອາຄານ ການຮຽນ-ການສອນ ລວມມີ ຫ້ອງຮຽນ 36 ຫ້ອງ, ໃນນັ້ນຫ້ອງຮຽນອະເນກປະສົງມີ 18 ຫ້ອງ. ພາກສ່ວນອາຄານບໍລິຫານ ລວມມີ ຫ້ອງການ, ຫ້ອງປະຊຸມ, ຫ້ອງເກັບເອກະສານ ແລະ ອື່ນໆ. ການຈັດສັນຫ້ອງຮຽນ, ຫ້ອງການຕົ້ນຕໍແມ່ນຈັດລຽງກັນໂດຍຫັນໜ້າໄປທາງທິດເໜືອ, ປະກອບເປັນ 3 ສິ່ງກໍ່ສ້າງທີ່ເຊື່ອມຕໍ່ຫາກັນດ້ວຍລະບຽງເຊື່ອມຕໍ່, ຢູ່ລະບຽງເຊື່ອມຕໍ່ ປະກອບມີ ຫ້ອງປະຊຸມ, ຫ້ອງຮັບຕ້ອນ, ຫ້ອງຈັດກິດຈະກໍາຂອງນັກສຶກສາ ແລະ ອື່ນໆ. ການອອກແບບແມ່ນເນັ້ນໃສ່ການປົກປັກຮັກສາຕົ້ນໄມ້ໃຫຍ່ເດີມທີ່ມີຢູ່ແລ້ວເປັນສໍາຄັນ, ບັນດາສິ່ງກໍ່ສ້າງໄດ້ເຊື່ອມຕໍ່ເຂົ້າກັນລະຫວ່າງ ເດີ່ນ ແລະ ສວນ, ຊັ້ນລຸ່ມສຸດເປັນເຂດໂລ່ງຫວ່າງ ແລະ ລະບຽງນອກອາຄານໃຊ້ເປັນພື້ນທີ່ໃນການພົບປະແລກປ່ຽນຂອງບັນດາພະນັກງານ, ຄູອາ-ຈານ ແລະ ນັກສຶກສາ. ...ເອກະສານ
ອາຄານພາກປະຕິບັດ
ອາຄານພາກປະຕິບັດມີເນື້ອທີ່ກໍ່ສ້າງ 5.439,07 ຕາແມັດ, ການນໍາໃຊ້ຕົ້ນຕໍແມ່ນໃຊ້ເປັນສະຖານທີ່ສິດສອນວິຊາສະເພາະພາກປະຕິບັດ, ເຊິ່ງປະກອບມີຫ້ອງຮຽນພາກປະຕິບັດຂອງວິຊາສະເພາະໃນແຕ່ລະຂະແໜງ. ການອອກແບບກໍ່ສ້າງແມ່ນເປັນແບບລະບຽງດ່ຽວ, ການຈັດສັນແຜນຜັງແມ່ນແບ່ງເປັນ 3 ຊ່ວງ, ໂດຍໃຊ້ລະບຽງເຊື່ອມຕໍ່ເຂົ້າເປັນລະບົບສິ່ງປຸກສ້າງອັນດຽວກັນ, ການອອກແບບລະບຽງເຊື່ອມຕໍ່ຊັ້ນໜຶ່ງຂອງອາຄານແມ່ນຈໍາລອງ ທາງເຂົ້າ-ອອກສະຖານີ, ເດີ່ນສະໜາມໜ້າອາຄານແມ່ນຈໍາລອງເປັນເດີ່ນໜ້າສະຖານີ. ການອອກແບບອາຄານຮຽນພາກປະຕິບັດແມ່ນປະສົມປະສານກັບເດີ່ນພາກປະຕິບັດໄປຄຽງຄູ່ກັນ, ໂດຍເປັນການຈໍາລອງສະພາວະການນໍາໃຊ້ສະຖານີລົດໄຟ ທີ່ປະກອບມີ ລາງລົດໄຟ, ລະບຽງຖ້າລົດ, ທາງເຂົ້າ-ອອກສະຖານີ, ເດີ່ນໜ້າສະຖານີ ແລະ ອື່ນໆ ຕາມລໍາດັບ. ...ເອກະສານ
ອາຄານອະເນກປະສົງ
ອາຄານອະເນກປະສົງ ແມ່ນຕັ້ງຢູ່ມຸມດ້ານຕາເວັນຕົກສ່ຽງໃຕ້ຂອງວິທະຍາໄລ, ມີເນື້ອທີ່ກໍ່ສ້າງ 8.038,71 ຕາແມັດ, ສິ່ງກໍ່ສ້າງໂດຍລວມແມ່ນກະຈາຍອອກໄປແຕ່ດ້ານຕາເວັນອອກຫາດ້ານຕາເວັນຕົກ. ເຊິ່ງການອອກແບບນໍາໃຊ້ແມ່ນລວມມີ ຫໍສະໝຸດ, ໂຮງອາຫານນັກສຶກສາ, ໂຮງອາຫານພະນັກງານ ແລະ ຄູ-ອາຈານ, ຫ້ອງປະຊຸມໃຫຍ່, ເດີ່ນບານບ້ວງໃນຮົ່ມ, ຫ້ອງປະຖົມພະຍາບານ, ຫ້ອງຕິດຕັ້ງອຸປະກອນເຄື່ອງຈັກ, ຫ້ອງຈັດກິດຈະກໍາທາງສັງຄົມ ແລະ ອື່ນໆ, ເຊິ່ງເປັນສະຖານທີ່ສໍາຄັນໃນການຈັດກິດຈະກໍາປະຈໍາວັນຂອງວິທະຍາໄລ, ເປັນສະໂມສອນ ແລະ ບ່ອນຈັດກິດ ຈະກໍາທາງສັງຄົມທີ່ຄົບຖ້ວນສົມບູນ, ປະກອບກັບເດີ່ນກິລາກາງແຈ້ງ ກາຍເປັນເຂດຈັດກິດຈະກໍາ ແລະ ຫຼິ້ນກິລາ-ອອກກໍາລັງກາຍຂອງວິທະຍາໄລ. ...ເອກະສານ
ຂໍ້ມູນສະຖິຕິຂອງວິທະຍາໄລ ໃນສົກປີ 2023-2024
ຂໍ້ມູນພະນັກງານຄູອາຈານທັງໜົດ: 40 ກ່ວາຄົນ
ຂໍ້ມູນຈໍານວນແຜນຮັບນັກຮຽນ
ຈໍານວນສາຂາວິຊາທີ່ສອນ
ວິທະຍາໄລ ເຕັກນິກ ວິຊາຊີບ ການລົດໄຟ ປະກອບມີ 3 ພະແນກ ແລະ 06 ພາກວິຊາ
- ພະແນກບໍລິຫານ ແລະ ຈັດຕັ້ງພະນັກງານ
- ເປັນເສນາທິການ ໃຫ້ແກ່ຄະນະອໍານວຍການວິທະຍາໄລ ໃນວຽກງານການບໍລິຫານ ແລະ ຈັດຕັ້ງພະນັກງານ, ສັງລວມແຜນຍຸດທະສາດ, ແຜນພັດທະນາ, ແຜນການປະຈໍາປີ, ປະຈໍາເດືອນ ແລະ ປະຈໍາອາທິດ.
- ພະແນກວິຊາການ
- ເປັນເສນາທິການໃຫ້ຄະນະອໍານວຍການ ວິທະຍາໄລ ໃນການບໍລິຫານ-ຄຸ້ມຄອງວິຊາການ,ຄຸ້ມຄອງ ການພັດທະນາຫຼັກສູດ, ສຶ່ການຮຽນການສອນ ແລະ ຄົ້ນຄ້ວາວິໄຈ ນະວັດຕະກໍາ, ສ້າງແຜນເຄື່ອນໄຫວ ວິຊາການປະຈໍາແຕ່ລະພາກຮຽນ
- ພະແນກກິດຈະການນັກສຶກສາ
- ເປັນເສນາທິການໃຫ້ຄະນະອໍານວຍການ ວິທະຍາໄລ ໃນວຽກງານກິດຈະການນັກສຶກສາ, ສ້າງ ແລະ ປັບປຸງນິຕິກໍາ ກ່ຽວກັບການບໍລິຫານ-ຄຸ້ມຄອງນັກສຶກສາ, ສຶກສາອົບຮົມ ການປະຕິບັດລະບຽບວິໄນຂອງນັກສຶກສາ, ຄຸ້ມຄອງ, ການລາພັກ, ວຽກຫໍພັກ ແລະ ເຮືອນຄົວ
ຂໍ້ມູນຕິດຕໍ່: https://tved.edu.la/lrtvc.php
Laorailway2023@gmail.com
ຫຼັກ16 ບ້ານໂພຄໍາ ເມືອງໄຊທານີ ນະຄອນຫຼວງວຽງຈັນ
ໂທລະສັບ:+85620 5618 0048.